पार्टी एकता घोषणासभामा भावुक भए गच्छदार
गच्छदार २०६४ सालमा कांग्रेस पार्टी परित्याग गरेर तत्कालिन मधेसी जनअधिकार फोरममा लागेका थिए । तर, पार्टी छाडेको एक दशकपछि गच्छदार कांग्रेसमै फर्किएका हुन् ।
प्रधानमन्त्री निवास बालुवाटारमा आयोजित एक विशेष कार्यक्रममार्फत दुई पार्टीबीच एकीकरणको घोषणा हुँदा गच्छदार भावुक भएका थिए । उनले १० वर्षसम्म आफू कांग्रेस बाहिर भएपनि पुरानो घरमा समाहित आउन पाउँदा खुसी लागेको भन्दै भावुक भए ।
तत्कालिन राजनीतिक परिस्थितिमा आफू पार्टी छोड्नुपरेको घटना र बेटा नजाउँ भन्दा भन्दै गएको स्मरण गर्दै उनी भावुक भए। उनले साथीहरु अर्जुरनरसिंह केसी र चक्र वास्तोलाले हात समाएर पार्टी नछोड भनेको पनि बिजय कुमार गच्छदारले स्मरण गराए।
मुलुकको राजनीतिलाई अधिनायकवादतर्फ धकल्ने प्रयत्न भइरहेको भन्दै यस परिस्थितिमा नेपालको संविधानको लोकतान्त्रिक जगलाई अझ सुदृढ एवं सर्वस्विकार्य बनाउन दुबै पार्टी एक भएको पार्टी एकता घोषणामा सार्वजनिक गरिएको समझदारीपत्रमा उल्लेख छ ।
Post a Comment